Քննարկում՝ ԱՊՊԱ ոլորտի փոփոխությունների և խնդիրների վերաբերյալ 30.03.2018 Մարտի 30-ին «Փաստարկ» մամուլի ակումբում «Սպառողների խորհրդատվության կենտրոն» ՀԿ-ի նախագահ Կարեն Չիլինգարյանի նախաձեռնությամբ և Հայաստանի Ավտոապահովագրողների Բյուրոյի գործադիր տնօրեն Վահան Ավետիսյանի մասնակցությամբ տեղի ունեցավ քննարկում ԱՊՊԱ համակարգի վերջին փոփոխությունների և ոլորտում առկա խնդիրների վերաբերյալ։ Քննարկման ընթացքում հակիրճ ներկայացվեցին 2016-2017 թվականներին ԱՊՊԱ ոլորտում ներդրված հիմնական փոփոխությունների նպատակը և տրամաբանությունը, ինչպես նաև իրականացված փոփոխությունների արդյունքները: Քննարկման բանախոսները հանգամանորեն անդրադարձան մասնակիցների և լրագրողների կողմից ներկայացված հարցադրումներին և մտահոգություններին։