Հայաստանի ավտոապահովագրողների Բյուրոն հայտարարում է Աշխատակազմի ղեկավար, քարտուղար պաշտոնի թափուր աշխատատեղի մրցույթ։ 03.07.2025

Պաշտոնը։ Աշխատակազմի ղեկավար – քարտուղար

Աշխատանքի տեսակը:  Լրիվ աշխատանքային դրույք

Վայր:  Երևան,

Աշխատանքի նկարագիր:  Հայաստանի Ավտոապահովագրողների Բյուրոն փնտրում է կազմակերպված, նախաձեռնող և պատասխանատու մասնագետի, ով կմիանա մեր թիմին՝ որպես Աշխատակազմի ղեկավար-քարտուղար։ Այս դերը պահանջում է բարձր կազմակերպչական հմտություններ ունեցող ղեկավարի, ով կարող է համակարգել գործընթացները, իրականացնել ներկայացուցչական, վարչական և կորդինացիոն գործառույթներ, կառուցել ամուր կապեր աշխատակիցների հետ և ապահովել ընկերության փաստաթղթաշրջանառության արդյունավետ վարումը։

Պարտականություններ

• Ապահովել Բյուրոյի անդամների ընդհանուր ժողովի և Խորհրդի գործունեությունը՝ գործող օրենսդրության, Բյուրոյի կանոնադրության և ներքին իրավական ակտերին համապատասխան։ Համապատասխան որոշումների (ժամկետների) իրականացման նկատմամբ հսկողության իրականացում և ներկայացում կառավարման մարմիններին, այդ որոշումներով տրված հանձնարարականների ռեեստրի վարումը,
• Կոորդինացնել Բյուրոյի հանձնաժողովների, կոմիտեների աշխատանքների կազմակերպումը, Բյուրոյի կոլեգիալ մարմինների աշխատանքների արդյունավետության բարձրացումը,
• Վարել և թարմացնել Բյուրոյի ղեկավարների, կոլեգիալ մարմինների և աշխատակազմի ռեեստրերը, հետևել ժամկետներին։
• Իրականացնել փաստաթղթերի՝ այդ թվում էլեկտրոնային շրջանառության վարումը, պահպանման, արխիվացման և ոչնչացման վերահսկողությունը։
• Իրականացնել կադրային գործընթացների կազմակերպում՝ ներառյալ աշխատանքի ընդունում, ազատում, արձակուրդների կառավարում, աշխատաժամանակի հաշվառում և փաստաթղթաշրջանառություն։
• Համակարգել նոր աշխատակիցների ինտեգրման, ներքին կարգերի ծանոթացման և վերապատրաստման գործընթացները։
• Կազմակերպել Բյուրոյի միջոցառումները, մամլո ասուլիսները, հանրային կապերը և ԶԼՄ-ների հետ հանդիպումները։
• Տրամադրել տեղեկատվություն, մեկնաբանություններ և տեղեկանքներ՝ ըստ իրավասության։
• Կատարել գործադիր տնօրենի հանձնարարությունները և ապահովել գործառույթների պատշաճ կատարումը։

 Պատասխանատվություն․

• Ապահովել բարձր կատարողական և աշխատանքային կարգապահություն,
• Կատարել Բյուրոյի իրավական ակտերով, կանոնադրությամբ և գործադիր տնօրենի հանձնարարականներով նախատեսված գործառույթները,
• Պահպանել Բյուրոյի գործունեության ընթացքում հայտնի դարձած գաղտնի տեղեկատվության անվտանգությունն և օգտագործումը միայն աշխատանքային նպատակներով։

Հմտություններ և կարողություններ․

• Բարձր կազմակերպչական և հաղորդակցման հմտություններ,
• Ժամանակի արդյունավետ կառավարման ունակություն,
• Իրավաբանական և պաշտոնական փաստաթղթերի մշակման հմտություն,
• Գաղտնի տեղեկատվության հետ աշխատանքի էթիկա,
• Անվրեպություն, ճշգրտություն և պատասխանատվության զգացում,
• Թիմում աշխատելու, ինչպես նաև ինքնուրույն որոշումներ կայացնելու ունակություն։

Կրթությունը – Բարձրագույն

Աշխատանքային փորձ - Առնվազն 3 տարվա մասնագիտական աշխատանքային փորձ, ցանկալի է ղեկավար պաշտոնում

Վարձատրություն – մրցակցային՝ հիմնված է փորձի և հմտությունների վրա

Դիմումների ընդունման վերջնաժամկետ։ 31․07․2025

Դիմումների ընդունման ընթացակարգ:

Վերոնշյալ պահանջներին համապատասխանող թեկնածուներին խնդրում ենք իրենց ինքնակենսագրություններն ուղարկել  hr@appa.am հասցեին՝  «թեմա» դաշտում անպայման նշելով «Աշխատակազմի ղեկավար - քարտուղար  մասնագետ» պաշտոնը։