Կանոնների փոփոխության ներդրման մասին 08.09.2024
Տեղեկացնում ենք, որ սույն թվականի սեպտեմբերի
18-ին, տեխնիկական հնարավորությունների ներդրման ապահովմամբ պայմանավորված, ուժի մեջ կմտնի
Հայաստանի Ավտոապահովագրողների Բյուրոյի խորհրդի կողմից 27/02/2024թ-ի թիվ 5-Լ որոշմամբ
հաստատված և Հայաստանի Հանրապետության կենտրոնական բանկի կողմից 02/04/2024թ-ին գրանցված՝
«ԱՊՊԱ ընդհանուր պայմաններ» RL 1-001 կանոններում (այսուհետ՝ Կանոններ) կատարված լրացումը։
Կանոններում
կատարված լրացմամբ ապահովագրական հատուցումների դիմումների ինքնաշխատ ձևավորման հետ
կապված գործող կարգավորումը համապատասխանեցվել է առկա ծրագրային լուծմանը՝ մեկ շտկմամբ,
որ հատուցման դիմումն ինքնաշխատ գեներացվում է ոչ միայն այն դեպքերում, երբ ապահովադիրը,
համաձայնեցված հայտարարագրում կամ Ելակետ 1-ում կատարված նշումների համաձայն, համարվել
է անմեղ կամ մասամբ մեղավոր, այլև եթե նա այդպիսին է ճանաչվել ապահովագրական պատահարի
առաջացման պատճառների փորձաքննության արդյունքների հիման վրա։
Տեղեկացնում ենք, որ Կանոնների լրացումն ուժի մեջ մտնելուց հետո դրա ինկորպորացված
տարբերակը կտեղադրվի Բյուրոյի ինտերնետային կայքի «Իրավական ակտեր» բաժնի «Բյուրոյի կանոններ» ենթաբաժնում։
