![Տեղի է ունեցել Բյուրոյի խորհրդի նիստ](datas/znews/549432fc21d0ec06d3f876810446ca73.jpg)
Տեղի է ունեցել Բյուրոյի խորհրդի նիստ 25.06.2014 24.06.2014թ. տեղի է ունեցել Հայաստանի ավտոապահովագրողների բյուրոյի խորհրդի նիստ: Նիստը նախագահում էր Բյուրոյի խորհրդի նախագահ Ներսես Երիցյանը: Նիստին ներկա էին Բյուրոյի խորհրդի անդամները, Բյուրոյի գործադիր տնօրեն Միսակ Բաբաջանյանը, Բյուրոյի այլ աշխատակիցներ, ինչպես նաև ՀՀ կենտրոնական բանկի ներկայացուցիչներ: Նիստի ընթացքում քննարկվել են Բյուրոյի գործունեությանը վերաբերող տարբեր հարցեր, մասնավորապես`
• փոփոխություն և լրացումներ են կատարվել Բյուրոյի RL 1-010 կանոններում, լրացումներ են կատարվել Բյուրոյի RL 1-032 կանոններում,
• խորհրդի անդամներին է ներկայացվել Հայաստանի ավտոապահովագրողների բյուրոյի պատասխանատու ակտուարի հաշվետվությունը 2014 թվականի 1-րդ եռամսյակի գործունեության արդյունքների վերաբերյալ,
• որոշում է կայացվել Բյուրոյի գործադիր տնօրենի պահանջով «Հայաստանի ավտոապահովագրողների բյուրո» ԻԱՄ անդամների արտահերթ ընդհանուր ժողովի գումարման վերաբերյալ և հաստատվել է ժողովի օրակարգն ու ժողովի նախապատրաստման ընթացքում ժողովին մասնակցելու իրավունք ունեցող անձանց տրամադրվող նյութերի և տեղեկություններ ցանկը:
Վերոնշյալ կանոններում փոփոխություններն ու լրացումները սահմանված կարգով կհրապարակվեն և ուժի մեջ կմտնեն ՀՀ կենտրոնական բանկում դրանց գրանցումից հետո: