Տեղեկացնում ենք, որ Հայաստանի
Հանրապետության կենտրոնական բանկի կողմից սույն թվականի մարտի 19-ին գրանցվել են Բյուրոյի
անդամների ընդհանուր ժողովի կողմից հաստատված «Երաշխավորման ֆոնդի» RL 1-010 կանոններում (այսուհետ՝ Կանոններ) կատարված փոփոխությունները
և լրացումը, որոնք ուժի մեջ են մտել սույն թվականի մարտի 19-ին։
Կանոնների նոր խմբագրությամբ
տարբերակն արտացոլված է
Նոր խմբագրությամբ կանոններ հղմամբ, որտեղ փոփոխություններն ընդգծված են։
Կանոններով սահմանվել
է, որ Երաշխավորման ֆոնդի բավարարության պայմանի առկայությունը որոշվում է յուրաքանչյուր
հաշվետու ամսաթվի դրությամբ` հաշվետու ամսաթվից հետո` 15 օրվա ընթացքում, Բյուրոյի
գործադիր տնօրենի կողմից սահմանված և Բյուրոյի անդամ ապահովագրական ընկերություններին
ծանուցված` սկզբունքների հիման վրա։
Տեղեկացնում ենք նաև, որ Կանոնների ինկորպորացված տարբերակը տեղադրված է Բյուրոյի ինտերնետային կայքի «Իրավական ակտեր» բաժնի «Բյուրոյի կանոններ» ենթաբաժնում։
